|
WoW History
|
|
| 4E4EHA | Дата: Суббота, 2006-12-02, 11:45 PM | Сообщение # 1 |
 Генералиссимус
Группа: Администраторы
Сообщений: 114
Статус: Offline
| WarCraft -ის ისტორია თავი 1: მითოსი
************ ტიტანები და სამყაროს შექმნა
-------------------
დანამდვილებით არავინ იცის თუ როგორ შეიქმნა სამყარო. ზოგი თვლის რომ ეს დიდი კოსმოსური აფეთქების შედეგი იყო, რომელმაც წყვდიადის მარადისობაში გაფანტა უამრავი მბრუნავი მსოფლიო.
სხვები თვლიან რომ ყველაფერი ერთმა ყოვლისშემძლე არსებამ შექმნა.
ამრიგად ქაოსური სამყაროს დასაწყისის შესახებ ზუსტად არაფერია ცნობილი. სამაგიეროდ, დანამდვილებით ვიცით, რომ დიდი ხნის წინათ არარაობიდან წამოიმართნენ ძალები, რომლებმაც თავის თავზე აიღეს ქაოსის მოწესრიგება და უსაფრთხო მომავლის შექმნა არსებებისთვის, რომლებიც მათ შემდგომ უნდა მოვლენოდნენ ქვეყნიერებას.
|
| |
| |
| 4E4EHA | Дата: Суббота, 2006-12-02, 11:45 PM | Сообщение # 2 |
|
Генералиссимус
Группа: Администраторы
Сообщений: 114
Статус: Offline
| ესენი იყვნენ ტიტანები. ლითონის კანით დაფარული ღმერთები, რომლებმაც შეიცნეს ახლადშექმნილი სამყარო და დაიწყეს შრომა მის სივრცეებზე. მათ გამოძერწეს მრავალი მსოფლიო, აღმართეს მთები, აავსეს ზღვები და ჩაჰბერეს სული ჰაერის სფეროს. ეს ყველაფერი მათი გეგმის შესაბამისად ხდებოდა, რომელსაც ისინი ახირციელებდნენ სამყაროს არეულობის მოსაწესრიგებლად. მათ დამხმარე რასებიც კი შექმნეს, რომელთა დანიშნულება სამუშაოს განაწილება და მსოფლიოთა დაკავშირება იყო.
|
| |
| |
| 4E4EHA | Дата: Суббота, 2006-12-02, 11:46 PM | Сообщение # 3 |
|
Генералиссимус
Группа: Администраторы
Сообщений: 114
Статус: Offline
| ტიტანებს თავიანთი მმართველობა ჰყავდათ. ეს იყო უმაღლესი საბჭო, პანთეონი, რომლის ხელმძღვანელობითაც მათ დაამყარეს წესრიგი სამყაროს წყვდიადში მიმოფანტულ ათასობით მსოფლიოში. ისნი ფხიზლად დარაჯობდნენ მოწესრიგებულ მხარეებს და იცავდნენ მათ ქაოსის ბინადარი ბოროტი არსებებისაგან, რომლებსაც არ ჰქონდათ მიზანი გარდა ერთისა, მოესპოთ ყოველივე ცოცხალი და შთაენთქათ სამყაროს ენერგია. ეს ქმნილებები უცნაურ, გამრუდებული ფსკერის სახელით ცნობილ განზომილებაში ცხოვრობდნენ, რომელიც აკავშირებდა ერთმანეთთან მსოფლიოთა აღურიცხავ რაოდენობას. ეს არსებები უამრავნი იყვნენ და ტიტანები, რომელთათვისაც უცხო იყო ყოველივე ბოროტი, გამუდმებით ებრძოდნენ მათ და ცდილობდნენ მოეძებნათ გზები, რათა ერთხელ და სამუდამოდ აღეკვეთათ ქაოსის შემოტევა.
|
| |
| |
| 4E4EHA | Дата: Суббота, 2006-12-02, 11:46 PM | Сообщение # 4 |
|
Генералиссимус
Группа: Администраторы
Сообщений: 114
Статус: Offline
| სარგერასი და ღალატი
--------------
გავიდა დრო და დემონურმა ქმნილებემა მოახერხეს გზის გაკვალვა გამრუდებული ფსკერიდან ტიტანთა სამყაროში. მაშინ პანთეონმა თავისი რიგებში ამოარჩია უდიდესი მეომარი, მდუღარე ბრინჯაოს გოლიათი სარგერასი, რომელსაც დაევალა პირველს მიეღო მტრის დარტყმა. ეს კეთილშობილი მებრძოლი ათასწლეულების მანძილზე მტკიცედ და ერთგულად ასრულებდა თავის ვალს. მან უამრავი დემონი გაანადგურა და დაატყვევა. ეონთა განმავლობაში მან აღმოაჩინა ორი მძლავრი დემონური რასა, რომლებიც სამყაროზე ბატონობას მიელტვოდნენ.
|
| |
| |
| 4E4EHA | Дата: Суббота, 2006-12-02, 11:46 PM | Сообщение # 5 |
|
Генералиссимус
Группа: Администраторы
Сообщений: 114
Статус: Offline
| ერედარი - ვერაგ გრძნეულთა დემონური რასა, რომელიც თავის გრძნეულებას ცალკეულ მსოფლიოებში შეჭრისა და მათი დპყრობისათვის იყენებდა. ამ მსოფლიოთა მცხოვრებლები დამონებული იქნენ და გადაქცეულნი დემონებად. მიუხედავად იმისა რომ სარგერასის თითქმის უსაზღვრო ძლიერება სრულიად საკმარისი იყო ერედარის გასანადგურებლად, მას მაინც გაუჭირდა ამ არსებათა ყოვლისმომცველი ბოროტებასთან ბრძოლა. სარგერასს არ შეეძლო ჩაწვდომოდა მათი ვერაგობის არსს, მისთვის წარმოუდგენელი იყო ასეთი დაცემა და ამიტომ ნელნელა შავმა ნაღველმა მოიცვა იგი. თუმცა საბოლოოდ მან დააცხრო თავისი რისხვა და მტერი გამრუდებული ფსკერის მიყრუებულ ადგილებში ჩაამწყვდია.
|
| |
| |
| 4E4EHA | Дата: Суббота, 2006-12-02, 11:46 PM | Сообщение # 6 |
|
Генералиссимус
Группа: Администраторы
Сообщений: 114
Статус: Offline
| მაგრამ ამ დროს, როდესაც იგი ჯერ კიდევ დარდით იყო მოცული, ტიტანებს ახალი მოწინააღმდეგე გამოუჩნდათ. ეს იყო ნატრეზიმის რასა. ვამპირი დემონები, შიშის მბრძანებლებად ცნობილნი, იპყრობდნენ დასახლებულ მსოფლიოებს და აჩრდილებად აქცევდნენ მათს მცხოვრებლებს. ეს ცბიერი დემონები მტრობას თესავდნენ ერებს შორის და მართავდნენ მათ სიძულვილისა და შუღლის გაღვივებით. სარგერასმა ადვილად მოსპო ნატრეზიმი, თუმცა მათი ზნედაცემულობამ და ვერაგობამ მძიმე დარდები შეჰმატა ისედაც პირქუში აზრებით მოცულ ტიტანს.
|
| |
| |
| 4E4EHA | Дата: Суббота, 2006-12-02, 11:47 PM | Сообщение # 7 |
|
Генералиссимус
Группа: Администраторы
Сообщений: 114
Статус: Offline
| და აი ეჭვებმა საბოლოოდ იმძლავრეს სარგერასის გონებაში და სასოწარკვეთამ დაისადგურა მის სულში. მან დაკარგა არამარტო რწმენა სიკეთისა, აზრი თავის არსებობისა და მოქმედების მიზანი, არამედ საერთოდ, სამყაროს ის ხედვა, რაც ტიტანებს ჰქონდათ, უცხო გახდა მისთვის. საბოლოოდ იგი მივიდა დასკვნამდე, რომ წესრიგი თავისი არსით დანაშაული იყო და მხოლოდ ქაოსი იყო ერთადერთი სამართლიანი ფორმა სამყაროს არსებობისა. მისი მეგობრები, სხვა ტიტანები, ცდილობდნენ დაებრუნებინათ მისთვის სიმშვიდე, მაგრამ მან ყველა მათი შეგონება უარყო და ყველა მათი იმედი დაამსხვრია. მრისხანებით აღსავსემ დატოვა მოძმეთა რიგები და სამყაროში საკუთარი ადგილის საძებრად გაემართა. პანთეონი ძალიან დაამწუხრა ამ განდგომამ. ტიტანებს მაშინ წარმოდგენაც კი არ შეეძლოთ იმისა, თუ სადამდე მივიდოდა მათი ყოფილი თანამებრძოლი მომავალში.
|
| |
| |
| 4E4EHA | Дата: Суббота, 2006-12-02, 11:47 PM | Сообщение # 8 |
|
Генералиссимус
Группа: Администраторы
Сообщений: 114
Статус: Offline
| კილ'ჯაედენის პირველი ნაბიჯი იყო შიშის მბრძანებლების - დრედლორდების დამორჩილება. ეს დემონები მის პირად ჯაშუშებად იქცნენ და ბედნიერნი იყვნენ, როდესაც ახალ რასას აღმოაჩენდნენ, რომელის დამორჩილებაც შესაძლებელი იყო მათი ბატონის ნებისადმი. უპირველესი შიშის დემონთა შორის ტიქონდრიუსი გახლდათ, დამაბნელებლად წოდებული. იგი თავის მეფის სრულყოფილ იარაღად გადაიქცა და სარგერასის ცეცხლოვანი ნების მატარებლად მთელს სამყაროში.
|
| |
| |
| 4E4EHA | Дата: Суббота, 2006-12-02, 11:47 PM | Сообщение # 9 |
|
Генералиссимус
Группа: Администраторы
Сообщений: 114
Статус: Offline
| თავის მხრივ არქიმონდმაც მოიძია თავისი მსახურნი. ესენი იყვნენ დილეგთა მბრძანებლებად ცნობილი დემონები (პიტლორდები)და მათი მძვინვარე ბელადი, მანოროტი, დამანგრეველად წოდებული. ისინი იყვნენ არქიმონდის საუკეთესო მებრძოლნი, რომლებზე დაყრდნობითაც სურდა მაცდურ დემონს სიცოცხლის მოსპობა სამყაროში.
და აი, სარგერასი დარწმუნდა, რომ მისი არმიები საბოლოოდ ჩამოყალიბდა და შეიკრა, თითოეული მებრძოლი ურყევად ემორჩილებოდა მის ნებას და ყველაფერი მზად იყო ბრძოლის დასაწყებად. მან ამ ურდოებს ცეცხლოვანი ლეგიონი უწოდა და სამყაროს უსაზღვრო სივრცეებისაკენ დაძრა. ახლაც კი არ არის დანამდვილებით ცნობილი, თუ რამდენი მსოფლიო განადგურდა და დაიფერფლა ამ საზარელი ლაშქრობის შედეგად.
|
| |
| |
| 4E4EHA | Дата: Суббота, 2006-12-02, 11:48 PM | Сообщение # 10 |
|
Генералиссимус
Группа: Администраторы
Сообщений: 114
Статус: Offline
| აი კაროჩე რა დავიტანჯე... და კიდე გავაგრძელებ ოღონდ სხვა დროს...!! 
|
| |
| |
